Keramikar Torbjørn Kvasbø har gjennom 40 år utforska kunsthandverket og søkt ny kunnskap og moglegheiter knytt til leire som materiale, brenneteknikkar, overflatestruktur og plastisitet i keramisk skulptur.

Glasblåsar og glaskunstnar Kari Mølstad skaper funksjonelle objekt så vel som unike kunstverk. I sine verk hentar Mølstad inspirasjon frå naturen sine forandringer og omgivnadene hennar, og frå materialet i seg sjøl – forma til teknisk perfeksjon.

Ragnhild Enge arbeider med vev i forlenginga av gobeleng-tradisjonen, ein særskild arbeidskrevjande teknikk ein finn i veggteppe frå 1600-talets Frankrike. Motiva er abstrakte, og teppa er kjenneteinka av lag på lageffekt.

Smykkekunstnar Liv Blåvarp er ei av Noreg sin mest fremtredande, anerkjende og internasjonalt kjende smykkekunstnarar.  I fleire av verka trossar Blåvarp dei ibuande kvalitetene til sine signaturmaterial i spektakulære komposisjonar som er nesten uverkelige i fargene, formene og måten materiala er nytta på.

Glasskunstner Vidar Koksvik har gjort seg synleg i mange samanhengar med sine særprega glasgjenstandar. Koksvik blir omtalt som fremtidsretta, original og visjonær – og behersker ulike teknikkar med stor virtuositet. 

Keramikar Tor Alex Erichsen er kjend for sine dreide krukker i kvit hollandsk leire. Dekoren som dekker heile overflata, er utførd med stempel. 

Smykkekunstnar Ingun Kleppan er oppteken av å skape smykke til ulike behov og høve. Drivkrafta er materialet, som steinar, perler,  vakre objekt som fangar hennar merksemd eller ei tekst som skal visualliserast.

Inga Blix arbeider med tekstil som utgangspunkt. Arbeida hennar er formelle eksperiment, på same tid konseptuelt presise og visuelt komplekse. Blix arbeider med handfarga ullstoff i en teknikk der elementa blir sydd samman for hand.