Ullinsvin gamle prestegard

Ullinsvin har røt attende til førkristen tid. Den gamle prestegarden byr deg det beste frå kunst og kultur, historie og samtid, bygdeliv og høgkultur – smelta saman på ein heilt unik arena. Krumtappen Galleri Ullinsvin inviterer kvart år til utstillingar med nokre av dei fremste kunstnarane i landet. 

Ullinsvin, den gamle prestegarden i Vågå, ligg fint til på ei lita høgde ved Vågåmo sentrum med umiddelbar nærleik til to andre kulturhistoriske sentrum, Vågåkyrkja og Jutulheimen bygdamuseum. 

Med den urgamle prestegarden Ullinsvin som rame, inviterar Galleri Ullinsvin til utstillingar i stilreine, moderne utstillingslokal og eldre, rustikke bygningar.

Ullinsvin gamle prestegard består av totalt 13 bygningar, dei fleste freda. Bygga er fordelt på eit inntun og eit uttun toppa med den unike hagen etter Edvard Munch si oldemor, prestefrue Christine Storm Munch.  

I Ullinsvin kan du besøke den historiske prestegardshagen, som består av både urtehage, staudebed, rosebed, fjellhage og ulike tre og buskar. Kunstnaren Edvard Munch hadde farsslekta si frå Ullinsvin, dei heldt til i prestegarden i over 80 år – og i dag ber kaféen på tunet sjølvsagt namnet Edvard.

I husa kring tunet på Ullinsvin er det mykje aktivitet med fire generasjonar friviljuge i samspel og leik, arbeid og læring året rundt. 

Galleri Ullinsvin vart offisielt opna sommaren 2019 av Kronprinsparet. tt

Gler oss til å vise deg alt Ullinsvin har å by på!ngs.