Bli lagspelar på U-laget!
Vi kan ikkje love deg evig ungdom – men no har du sjansen til å bli lagspelar til beste for bygda, Ullinsvin og deg sjølv!
Dei friviljuge i Ullinsvin – populært kalla U-laget – er ei idealistisk gjeng som aktivt og allsidig bidreg til at Ullinsvin framstår slik prestegarden er i dag.
Som alle andre lag er vi avhengige av ulik ferdigheiter. Arbeidsoppgåvene er mangfaldige:
- Hagestell: Luking, vatning og øvrig stell av prestegardshagen gjennom sommarsesongen
- Arrangement: Servering, matlaging, vakthald, billettsal, andre praktiske oppgåver
- Vedlikehald og mindre byggeprosjekt
- Utstillingsarbeid: Delta i samband med montering og demontering av utstillingar, måling av veggar og andre praktiske oppgåver
- Reingjering og baking
Det er i stor grad opp til kvar enkelt kor stor innsats ein ynskjer å leggje ned i utstillingssesongen og gjennom året. Miljøet er særs inkluderande, sosialt og humørfylt – med fine folk og triveleg lagarbeid til beste for bygda og Ullinsvin.
Alle er velkomne på U-laget anten dei er unge eller gamle. I tillegg til å bli del av eit fint fellesskap, blir du som friviljug i Ullinsvin invitert på friviljugfest etter sesongslutt og får også gratis inngang på ulike arrangement i Ullinsvin.
Er du interessert eller vil vite meir, send e-post til [email protected] eller ta kontakt med Kari Hølmo Holen på tlf. 907 36 129 eller Tora Sandbu på tlf. 996 93 921.