Bergtatt

Wilhelm Ruud Bjertnes

Stabburet | Ullinsvin

Wilhelm Ruud Bjertnes (f. 1936) er busett i Lom. Wilhelm har bakgrunn som geolog og lærar, før han i vaksen alder byrja å studere kunst og verke som kunstar. Han har utdanning frå Cato Bøttgers akademi i Oslo og Academie de Port Royale og Ecole des Beaux-Arts i Paris. Han var også elev av Halvdan Ljøsne.  Wilhelm har hatt utstillingar i både inn- og utland.

Wilhelm formidlar korleis han ser fjella og naturen i verka sine, både gjennom kjente fjellformasjonar og meir abstrakte uttrykk. Han er oppteken av å gje uttrykk for krafta, dynamikken, ljoset og skjønnheita som møter oss i fjellnaturen, og der vi også opplev stillheit og ro.

I Ullinsvin skal Wilhelm stille ut måleri i Stabburet. Salsutstillinga er frå 21. juni-7. september.