Anne Kristine Thorsby
Biletkunstnar Anne Kristine Thorsby (f. 1962) er fødd og oppvaksen i Oslo. Ho er utdanna ved Kunsthøyskolen i Oslo i perioda 1982-1989, og bur i dag på Lillehammer.
Hennar kunstnariske uttrykk har utspring i det klassiske, der det figurative og det abstrakte møtas i dei sterke naturskildringane hennar.
Thorsby har markert seg internasjonalt med utstillingar blant anna i New York, London, Stockholm og Firenze.
Ho har motteke fleire stipend, er innkjøpt av ei rekkje instansar og har utført fleire offentlege utsmykkingsoppdrag.
«Bildene hennes er for gode til ikke å bli lagt merke til.»
-Tommy Olsson, kunstanmeldar i Morgenbladet
Storslått
Utsikt til tun
Annette Hveem Narum
Biletkunstnar Annette Hveem Narum (f. 1972) er utdanna ved The Surrey Institute of Art and Design Fine Art og Høyskolen i Akershus avdeling for formgiving og produktdesign. Ho bur på Vestre Toten.
«Landskap med arkitektoniske elementer er hovedtemaet i mine arbeider. Nærlandskap der jeg bor og jobber er et tilbakevendende tema. Små glimt, stemninger, brudd, komposisjoner, detaljer eller farger fra mine omgivelser fester seg i bevisstheten og videre til billedflaten. Disse blir i prosessen satt opp mot hverandre og utvikler seg til komplekse fortellinger og relasjoner. Det skjøre og forgjengelige opp mot det monumentale. Det enkle og fragmenterte, mot det kompakte og massive. I maleriene er dette elementer og en tematikk i ett maleri, mens i de grafiske arbeidene er det gjerne serier der hvert enkelt grafiske arbeid står opp mot ett eller flere andre. I maleriene er det større utsnitt i landskap, mens i de grafiske arbeidene er det detaljer i landskap og arkitektur.»
Hveem Narum har hatt ei rekkje separat- og kollektivutstillingar, samt ulike utsmykningsoppdrag.
Dag Selboskar
Dag Selboskar (f. 1961) er fotograf, musikar og grafisk designar.
«Jeg har alltid hatt en fasinasjon for kråkene. Fra
nasjonalromantikkens mørke undertoner der Kittelsen og
Asbjørnsen & Moe er sentrale, til ravn og kråker i
rockehistorien. Kråkene i kunsten er mer enn et dyr, de er en fortelling, forbindelsen til noe større, naturen og menneskets urgamle dialog. En metafor for minner, fellesskap, forvandling, sagn, myter og overtro. Symboler som peker tilbake til Edda, folketro og fortidens ur-fortellinger. Et ekko fra fortiden som fortsatt flyr med oss.
For meg er fotografi en blanding av kognitiv terapi og indre
reise som sammen med musikk skaper en kreativ livsførsel
der jeg ser verden gjennom mitt eget temperament.
En indre monolog for å bevare det mentale. Det å være ute i
naturen gir meg både fysisk og psykisk god helse. Der ute
prøver jeg å skape det alminnelige om til kunst!»
– Dag Selboskar
Skogsfarer
Drømmeferd
Helene Fjell
Helene Fjell (f. 1966) er biletkunstnar, og arbeidar med fotografi og grafiske teknikkar. Ho er busett i Oslo.
Sentralt i motiva til Fjell står mennesket og naturen, formidla gjennom eit uttrykk som søker det sanselege, elegante og stillferdige. Bilda hennar formidlar stillheit og styrke, og inviterer betraktaren inn i eit rom for refleksjon og nærleik.
Ho har studert kunstfotografi under fleire anerkjente kunstnarar og har utvikla sitt eiga visuelle språk. Morten Krogvold har vore ein viktig mentor i denne prosessen. I 2011 vart Fjell valt som den fyrste «Director’s Choice» ved Nordic Light fotofestival i Kristiansund. Ei anerkjenning som markerte eit viktig gjennombrot i kunstnarskapet hennar.
Innan grafiske teknikkar har ho fordjupa seg gjennom studier og kurs, sterkt inspirert av bestefaren sin, kunstnaren Kai Fjell. Fjell har hatt ei rekkje utstillinger både i Norge og internasjonalt.
Håvard Homstvedt
Håvard Homstvedt (f. 1976) er født og oppvakse i Trondheim, og har ein master i Fine Arts fra Yale University og ein bachelor i Fine Arts, with Honors, frå Rhode Island School of Design. Homstvedt fekk sitt internasjonale gjennombrot då han vart omtala av magasinet Art Review som ein av verdas 25 kommande kunstnarar.
Han arbeidar mest med måleri, men også med teikning, skulptur, grafikk og installasjon. Homstvedt er ein eksperimenterande kunstnar med fokus på menneskelege tema. Det er spesielt menneskefigurar og hovudformer som stimulerer skapartronga hans. Materialitet og tekstur er viktige element i arbeida og han får ofte frem ei kjensle av relieff i overflata.
Homstvedt har stilt ut på ei rekkje anerkjende galleri og arenaer nasjonalt og internasjonalt, og arbeida hans er innkjøpt av bl.a. Nasjonalmuseet for kunst, arkitektur og design, Sørlandets kunstmuseum, Kistefos-Museet og Yale University.
Ved vinduet
Lykke på toppen
Kristian Finborud
Kristian Finborud (f. 1964) har både heim, verkstad og galleri på Voss. Sidan 1988 har han hatt ei lang rekkje utstillingar over heile landet.
Motiva hans bevegar seg frå høgfjellet til strandsona. I det store spennet mellom himmel og hav plasserar han figurane sine og ser kva som skjer. Han lyfter fram store og små augeblikk, og med eit lunt blikk fangar han på eit humoristisk vis den norske folkesjela i ord og bilete. Motiva kjem fram gjennom ein karakteristisk skisseaktig strek som saman med ein klar komposisjon og nesten abstrakte naturskildringar utgjer uttrykket han er kjent for.
Sjølve trykkeprosessen er ein viktig del av Finborud sin kreative prosess, og han legg ned mykje tid i å utforske moglegheitene i denne teknikken.
Maria Natalie Skjeset
Skjeset har ein bachelor i virtuell kunst og design (2013), og har studert kunsthistorie, idéhistorie og grafisk design, i tillegg til å ha delteke på det fotografiske mentorprogrammet SENS&SANS. Sidan 2014 har ho hatt fleire separat- og kollektivutstillingar.
«Arbeidene mine kan tolkes som poetiske refleksjoner, eller som undring i billedlig form, der intuisjon danner grunnlaget for det endelige uttrykket.
Jeg arbeider i et figurativt, delvis stilisert formspråk med symbolistiske undertoner. Detaljer og former forenkles gjennom en dekorativ omforming av motivet, og det maleriske uttrykket er fremtredende.
For meg er det å bygge opp et bilde en iterativ prosess der jeg søker forbindelsen mellom naturen rundt meg og det indre landskapet. Bildene er ment som en invitasjon til en vandring innover i «symbolskogen»» – Maria Natalie Skjeset
Sammen
OppNedFugl
Marius Amdam
Marius Amdam var født i Trondheim i 1969 og er utdanna ved Kunstakademiet i Bergen (1997 – 2001). Han er i dag busatt i Trondheim, og har sitt eige atelier der.
Amdam er ein ekspressiv måler med referanser til japanske teikneeseriar, film, science fiction og fantasy. Det makabre og vakre går hand i hand. Måleria er fargesterke og taktile. Amdam brukar ofte tjukke lag oljemåling rett frå tuba.
Han har ein mangfaldig separat og kollektiv utstillingsverksemd, og er innkjøpt fleire gonger av det offentlege. Amdam er også representert i ulike museumssamlingar, har motteke ei rekkje stipend, og gjort fleire utsmykningar, blant anna på Hitra kommune sin tusenårsstad, og i dei fire brannstasjonane i Trondheim.
Orsolya Haarberg
Orsolya Haarberg (f. 1977) er fotograf og interiørdesignar. Hun er fødd og oppvakse i Ungarn og utdanna landskapsarkitekt. I 2005 flytta ho til Norge og gjorde lidenskapen for fotografering til yrket sitt. Haarberg har vunne ei rekkje internasjonale prisar og utmerkingar som fotograf. Merittlista omfattar blant anna utstillingar internasjonalt, fem bøker på sju forskjellige språk og publisering av fire fotoartiklar i National Geographic magasin globalt.
I 2020, etter 15 år på reisefot i Norden, busatte ho seg i Vågå. Midt i hjertet av Fjell-Norge etablerte hun Fjellheimen Galleri. Her formidlar ho fotografia sine og interiørprodukt laga av unike og kortreiste råmaterialar frå fjellheimen.
Om utstillinga: FJELL – et urokkelig vitne
Fotografen sine motiv er henta frå kjente og ukjente fjell i Norge som har eksistert i millionar av år, men som berørar og berikar menneske i dag. Målet er ikkje å dokumentere det openberre fjellandskapet, men å fange det skjulte i naturen og skape ei kjensle av å vere ein del av noko større. Det kan vere liner, ljos eller fargar som vekkjer nysgjerrigheit og reindyrkas for å formidle det store i det vesle, det flyktige i det varige. Samtidig er bilda autentiske. Ingen element er fjerna eller lagt til.
Alt forvandles i morgen
U.T.
Roar Kjærnstad
Roar Kjærnstad (f. 1975) er biletkunstnar busett i Stange, med atelier i Oslo knytt til Senter for Frie Kunster. Han er utdanna ved kunstlina på Nansenskolen, Lillehammer og Det Kongelige Akademi i Antwerpen, Nederland.
Han arbeidar innanfor fleire uttrykksformer, frå maleri til papirbasert kunst, og likar å eksperimentere med ulike grafiske teknikkar.
Therese Myran
Therese Myran (f. 1973) er biletkunstnar og bur og arbeidar i Trondheim.
Hun utforskar ulike medie og materialar som måleri, broderi og skulptur. Den frodige fargepaletten og det ekspressive uttrykket er ein signatur i kunstnarskapet hennar. Verka er insisterande og på same tid både påtrengande og audmjuke. Teksturen står sentralt i Myran sitt kunstnarskap, og gjennom bruk av garn og tekstil utfordrar ho også kunsthistoriske konvensjonar. Med bakgrunn frå og ei sterk interesse for naturvitenskap skapar ho sitt eige biletunivers samstundes som ho trekkjer liner ned til det allmenngyldige.
Myran har hatt ei rekkje separatutstillingar og delteke på kollektivutstillingar. Ho har utført fleire utsmykningsoppdrag og er kjøpt inn av ulike instansar.
Forsøk på trøst No 9
Bukkeritt
Tone Dietrichson
Tone Dietrichson (f.1957) er utdanna bilethoggar, men har sidan midten av 90-talet via sitt arbeid til grafikk og måleri. Dietrichson arbeidar klassisk med sine motiv. Ho fordjupar seg i ljos og skugge, både visuelt og i menneskesinnet. Mykje av sitt kunstnariske virke har Dietrichson via Henrik Ibsen sitt litterære univers, kor ho undersøker dei djupare laga i Peer Gynt. Dietrichson jobbar både med installasjonar, skulpturar og materialarbeid i tillegg til måleri og grafikk. Dietrichson søkjer å fremme Ibsen sin litteratur på ein vedgåande, dagsaktuell og tidlaus måte ved å synleggjere sjeledrama, spørsmål og tematikk som ligg i verka.
Dietrichson har hatt ei rekkje utstillingar og har også hatt ulike utsmykningsoppdrag.
Kari Mølstad
Kari Mølstad (f. 1977) er glasskunstnar og oppvakse på Rena. Ho er utdanna ved Glasskolan Orrefors i Sverige og Glas og keramikskolen på Bornholm, Danmark.
Mølstad både bles og sliper glas, og hennar produksjon spenn seg frå funksjonelle til skulpturelle arbeida. Formgjeving og handverket er essensielt i Mølstad sitt verke. Kunsten er prega av handblåste og slipte skulpturelle glasobjekt der overflatebehandling og ljosspel står sentralt. Ho brukar avanserte slipeteknikkar som saging, gravering og sandblåsing for å skape taktile, organiske formar som utforskar ljoset sin effekt på glasoverflata.
Ho har delteke på ei lang rekkje utstillingar, både separat- og kollektivutstillingar. Verka til Mølstad er kjøpt inn av bl.a. Sørlandets Kunstmuseum, Nasjonalmuseet, Nordenfjeldske kunstindustrimuseum, KODE og Kulturdepartementet.
Eggvaser
Katharina Sparstad
Katharina Sparstad (f. 1961 ) bur og arbeidar i Vang i Valdres. Ho dreier bruksgjenstandar i terrakotta, dvs. koppar, fat, tekannar, mugger, ampler osv.
Nina Standerholen
Nina Standerholen (f. 1981) har jobba med keramikk sidan 2006 og er medlem av Norske Kunsthåndverkere. Ho bur på Vinstra.
Som sjølvlært keramikar, formar hennar akademiske bakgrunn korleis ho nærmar seg både leira og den kreative prosessen. Standerholen lærer gjennom stadige eksperiment, og brukar ofte erfaringsbasert intuisjon i kombinasjon med teori. Ho er også nysgjerrig på kva ressursar ho kan finne i omgjevnadene sine. Der finn ho blant anna elvesand, malm og blåleire, og brukar desse i kombinasjon med kommersielle leiretyper. På denne måten får keramikken ein handgripeleg tilhøyrigheit til landskapet ho lev og arbeidar i. Inspirasjon hentar Standerholen både frå mikrolandskap og storslåtte landskapsformasjonar i omgjevnadene sine, og vil gjerne formidle dei visuelle og taktile kvalitetane ho observerer. Gjennom å nytte ulike verktøy, materialar og teknikkar, tolkar og gjenskapar ho overflater, teksturar og fargar ho finn i naturen.
Dette er stillferdig keramikk som ikkje nødvendigvis er eit blikkfang, men som etter ei tid finn plassen sin i folk sin kvardag, den inviterar til bruk, gjerne til fleire ulike formål.
Standerholen har delteke på fleire utstillingar.
Utval av Nina Standerholen sin keramikk