Foto: Sven Gj. Gjeruldsen, Det kongelige hoff

Separatutstilling

H.M. Dronning Sonja

Galleri Ullinsvin | Grafiske arbeid og keramikk | Salsutstilling

Det er mye mer spennende med det som ennå ikke er fullt oppdaget, noe du ikke forstår med en gang, men som ligger foran og venter på deg… der du må se og se, og plutselig ser du noe nytt når du har sett lenge nok.                                                 

H.M. Dronning Sonja i samtalebok med Alf van der Hagen

    Vågå

    Grafiske trykk inspirert av Vågå – heimbygda til Galleri Ullinsvin

    Lovund

    Lovund 1/1, 2022

    Monotypi, 36 x60cm (m/ramme)

    Lovund

    Lovund 1/1, 2022

    Monotypi, 36 x60cm (m/ramme)

    Lovund

    Lovund 1/1, 2022

    Monotypi, 36 x60cm (m/ramme)

    H.M. Dronning Sonja

    Galleri Ullinsvin | Grafiske arbeid og keramikk

    Utgangspunktet for Dronninga sine grafiske arbeid er ofte eigne fotografi teke ute i naturen; det kan vere i skogen, på fjellet eller i ei isgrotte. Kameraet blir nesten brukt som ei skissebok.

    Ofte jobbar Dronninga i seriar der ho eksperimenterer med eit uttrykk. I monotypiane som blir vist i Galleri Ullinsvin blir fjellmotiv dekoda og fortolka. Tydelege konturar blir forsterka av friske fargekombinasjonar. Dronninga trekkjer mot det utforskande også i sine keramiske arbeid. Ho har sjølv designa formene på krukkene som blir vist, og eksperimenterer med forskjellige mønstre og fargekombinasjonar på keramiske fat.

    Dronninga sin eigenproduserte kunst viser glede, evne til observasjon og nærheit til landskap og natur. Ho blir drive av ei nysgjerrigheit til alt som omfattar det komplekse grafikkfeltet. Hennar grafiske arbeid rommar alt frå store panoramiske overblikk til detaljstudiar på mikronivå. Verka viser grafikken sine moglegheiter og taktile eigenskapar, samtidig som det blir ei vidareføring av sanselege erfaringar i møtet med naturen. Dronning Sonja eksperimenterer og utforskar keramikken sine moglegheiter, så vel som dei forskjellige teknikkane innan trykkekunsten.

    Dronning Sonja er oppteken av grafikk som inngang til kunsten. Alle verk i utstillinga i Galleri Ullinsvin er for sal, og overskotet av inntektene går til Dronninga sitt kunstnarstipend.

    I historiske låven vegg i vegg med galleriet finn du i sommar separatutstilling med verdskunstnar Kjell Erik Killi-Olsen.

    Foto: Sven Gj. Gjeruldsen, Det kongelige hoff

     

    H.M. Dronning Sonja

    I Galleri Ullinsvin møter du fleire sider av kunstnaren og kunstelskaren Dronning Sonja. Publikum vil og bli kjend med hennar årelange virke for å leggje til rette for lovande kunstnarar – og hennar bidrag til at kunsten når ut til folket:

    2011: H. M. Dronning Sonja lanserte i 2011 stiftelsen av H. M. Dronning Sonja sitt kunstnerstipend i lag med Kjell Nupen, Ørnulf Opdahl og trykker Ole Larsen med formål om å skape interesse for og stimulere til utvikling av grafisk kunst. Kvart andre år deler stiftinga ut the Queen Sonja Print Award.

    2014: H.M. Dronning Sonja etablerte stiftinga Kunstnarstipendet Kjell Nupen Memorial Grant. 

    2017: H.M. Dronning Sonja opna KunstStall i Slottet sine gamle stallbygningar. Her blir ulike utstillingar av kunst og gjenstandar frå De kongelige samlinger vist fram for publikum.

    Foto: Rolf M. Aagaard, Det kongelige hoff.

    Opningstider og billettprisar

     Sommarutstillingar 2023

    Opningstider 24. juni – 10. september:
    • 24. juni – 13. august: Ope kvar dag kl 11- 17.
    • Frå 14. august – 10. september: Ope kvar dag kl. 11-16 med unntak av måndagar i veke 34-36.

      Billettprisar:

      Vaksne: 140,-
      Student: 100,-
      Born under 16 år: Gratis
      Sesongkort: 450,-
      Foto: Rolf M. Aagaard | Det kongelige hoff.